May 30, 2023 | Fréttir
Eignaumsjón óskar eftir að ráða áhugasaman og lífsglaðan einstakling, sem hefur gaman af samskiptum í síbreytilegu og lifandi starfsumhverfi með góðu samstarfsfólki, í starf forstöðumanns þjónustusviðs fyrirtækisins. Umsóknarfrestur er til og með 12. júní 2023.
Eignaumsjón er leiðandi fyrirtæki í þjónustu við húsfélög og rekstrarfélög og þjónustusviðið er eitt af meginsviðum fyrirtækisins og annast daglega þjónustu til viðskiptavina. Undir þjónustusviðið falla þjónustuver, fundateymi og ráðgjafar við rekstur fasteigna.
Helstu viðfangsefni og ábyrgð
Forstöðumaður þjónustusviðs situr í stjórnendateymi fyrirtækisins, ber ábyrgð á mannauðsmálum og verkefnum sviðsins og að þjónustan sé veitt með framúrskarandi hætti. Forstöðumaður hefur umsjón með gæðamálum og gerð verkferla á þjónustusviði, tekur þátt í þróun starfrænnar þjónustu og upplýsingakerfis fyrirtækisins og er leiðandi í að stuðla að hvetjandi, stöðugu og jákvæðu starfsumhverfi, ásamt því að taka þátt í sölu- og markaðsstarfi fyrirtækisins.
Menntunar- og hæfniskröfur
- Háskólamenntun sem nýtist í starfi, s.s. viðskipta- eða verkfræðimenntun
- Reynsla og góð færni í upplýsingatækni
- Haldgóð reynsla af rekstri, samningagerð og stjórnun þjónustudeilda er kostur
- Fagmennska og framúrskarandi þjónustulund
- Frumkvæði og metnaður til að ná árangri í starfi
- Góð greiningarhæfni og gott vald á íslensku og ensku
Umsóknarfrestur til 12. júní 2023
Áhugasamir einstaklingar, óháð kyni, eru hvattir til að sækja um starfið en umsóknarfrestur er til og með 12. júní nk. Farið verður með allar umsóknir og fyrirspurnir sem trúnaðarmál og þeim svarað.
Umsókn skal fylla út á www.intellecta.is og óskað er eftir að umsókn fylgi greinargóð ferilská og kynningarbréf, þar sem greint er frá ástæðu umsóknar og hæfni viðkomandi til að gegna starfinu.
Nánari upplýsingar veita Hafdís Ósk Pétursdóttir (hafdis@intellecta.is) og Sigríður Svava Sandholt (sigridur@intellecta.is) í síma 511 1225.
Jan 25, 2023 | Fréttir
Halldóra Guðrún Jónsdóttir-Scales hefur verið ráðin bókhaldsfulltrúi hjá fjármálasviði Eignaumsjónar og hefur hún þegar tekið til starfa.
Halldóra er viðurkenndur bókari. Hún lauk grunnnámi og bókhaldi fyrir lengra komna hjá Promennt, undirbúningsnámi til viðurkennds bókara hjá Opna háskólanum í HR og er stúdent af hagfræðibraut Fjölbrautarskólans við Ármúla.
Áður en Halldóra kom til Eignaumsjónar var hún fulltrúi hjá Sjúkratryggingum Íslands og verkefnastjóri í slysatryggingum. Þar á undan vann hún m.a. sem þjónustufulltrúi og sérfræðingur hjá tryggingafélaginu Aetna í Bandaríkjunum.
Um Eignaumsjón
Eignaumsjón býr að 22 ára þekkingu og reynslu í þjónustu við húsfélög og rekstrarfélög atvinnuhúsnæðis. Félagið vinnur nú fyrir um 800 hús- og rekstrarfélög með hátt í 18.000 íbúðum/eignum. Áhersla er lögð á hlutlausa nálgun, öryggi, gæðamál og skýra verkferla með það að markmiði að gera rekstur fasteigna markvissari og ódýrari, auka upplýsingaflæði til eigenda og auðvelda störf stjórna.
Jan 13, 2023 | Fréttir
Þór Gíslason hefur tekið til starfa sem ráðgjafi á þjónustusviði Eignaumsjónar og sinnir m.a. verkefnum í tengslum við aðalfundi og húsfundi, ásamt almennri ráðgjöf til viðskiptavina.
Þór er með MSc gráðu í verkefnastjórnun frá Háskóla Íslands og BA próf í heimspeki, hagfræði og stjórnmálafærði frá Háskólanum á Bifröst.
Áður en Þór kom til Eignaumsjónar starfaði hann hjá velferðarsviði Reykjavíkurborgar frá 2017, m.a. sem forstöðumaður búsetuúrræða. Hann hefur einnig starfað í fjölmörg ár sem fundarstjóri aðalfunda á vegum Eignaumsjónar.
Um Eignaumsjón
Eignaumsjón býr að 22 ára þekkingu og reynslu í þjónustu við húsfélög og rekstrarfélög atvinnuhúsnæðis. Félagið er að vinna fyrir um 800 hús- og rekstrarfélög með hátt í 18.000 íbúðum/eignum og starfsmenn eru 33 talsins. Áhersla er lögð á hlutlausa nálgun, öryggi, gæðamál og skýra verkferla með það að markmiði að gera rekstur fasteigna markvissari og ódýrari, auka upplýsingaflæði til eigenda og auðvelda störf stjórna.
Jan 4, 2023 | Fréttir
Emil Hilmarsson hefur verið ráðinn upplýsingatæknistjóri Eignaumsjónar, sem er nýtt starf hjá félaginu og hefur hann yfirumsjón með tölvutæknimálum fyrirtækisins.
Á ábyrgðarsviði upplýsingatæknistjóra er rekstur tölvu- og netkerfis Eignaumsjónar, þar á meðal umsjón með hugbúnaði, þróun, nýsköpun og framsetningu gagna, s.s. fyrir Húsbók sem er aðgengileg öllum viðskiptavinum félagsins. Upplýsingatæknistjóri sér einnig um uppfærslu á vélbúnaði starfsfólks og kennslu og tekur þátt í vinnu við tölfræði, gæðamál og annað er lítur að tölvutækni í starfsemi fyrirtækisins.
Emil er með BSc gráðu í tölvunarfræði frá Háskóla Íslands. Áður en hann kom til Eignaumsjónar var hann deildarstjóri upplýsingatæknideildar Norðuráls í 24 ár, allt frá því að fyrirtækið var stofnað árið 1998. Þar áður var hann kerfistjóri og forritari hjá Mjólkursamsölunni í Reykjavik í sex ár og forritari hjá Hug hf. í fjögur ár. Samhliða námi og vinnu hefur Emil sinnt stundakennslu í tölvunarfræði í nokkrum mennta- og fjölbrautaskólum í Reykjavík.
Um Eignaumsjón
Eignaumsjón býr að 22 ára þekkingu og reynslu í þjónustu við húsfélög og rekstrarfélög atvinnuhúsnæðis. Félagið er að vinna fyrir um 800 hús- og rekstrarfélög með hátt í 18.000 íbúðum/eignum og starfsmenn eru nú 33 talsins. Áhersla er lögð á hlutlausa nálgun, öryggi, gæðamál og skýra verkferla með það að markmiði að gera rekstur fasteigna markvissari og ódýrari, auka upplýsingaflæði til eigenda og auðvelda störf stjórna.
Jul 20, 2022 | Fréttir
Vegna aukinna verkefna óskum við eftir að ráða annars vegar öflugan bókara á fjármálasvið okkar og hins vegar drífandi og jákvæðan þjónustufulltrúa í þjónustuverið okkar.
Við leitum að áhugasömum og lífsglöðu starfsfólki sem hefur gaman af mannlegum samskiptum og vill auka getu sína í síbreytilegu og lifandi starfsumhverfi meðal góðra samstarfsmanna.
Nánari upplýsingar um störfin er að finna hér:
Þjónustufulltrúi
Öflugur bókari
