Eignaumsjón – lykill að öruggum rekstri fasteigna

Fyrirtækið Eignaumsjón hf. var stofnað aldamótaárið 2000. Eignaumsjón býður húsfélögum um atvinnu- og íbúðarhúsnæði víðtæka þjónustu við rekstur fasteigna, sem og fyrirtækjum og einstaklingum sem eru í fasteignarekstri.

Eignaumsjón er leiðandi fyrirtæki á Íslandi í þjónustu við húsfélög og rekstrarfélög fasteigna og býr yfir víðtækri þekkingu og reynslu í rekstri fjöleignarhúsa eftir nærri aldarfjórðungs starfsemi. Áhersla er lögð á hlutlausa nálgun, gæðamál, öryggi og skýra verkferla til að skila viðskiptavinum faglegum og fjárhagslegum árangri í rekstri fasteigna ásamt því að viðhalda og tryggja sem best ástand þeirra og verðmæti.

Þróttmikill vöxtur hefur verið í starfsemi Eignaumsjónar undanfarin ár. Fjárhagsleg staða er styrk og fyrirtækið er með starfsábyrgðartryggingu hjá viðurkenndu tryggingarfélagi.